Farg‘ona viloyatida mashinadan oyog‘ini chiqarib harakatlangan fuqarolarga nisbatan chora ko‘rildi. Bu haqda viloyat YHXB xabar berdi.
Ma’lum qilinishicha, yo‘l harakati qoidalarini buzib harakatlangan haydovchi va yo‘lovchilarga tegishli chora ko‘rildi. Amaldagi yo‘l harakati qoidalarining 11-bandiga ko‘ra harakatlanayotgan vaqtda avtomobil salonidan tana qismlarini (qo‘ldan tashqari) chiqarish taqiqlanadi.
Bunday harakatni sodir etish bazaviy hisoblash miqdorining bir baravari miqdorida jarima solishga sabab bo‘ladi.
Avvalroq Toshkentda bolasining boshini mashina oynasidan chiqarib harakatlangan haydovchiga chora ko‘rilgani haqida xabar berilgandi.
Qoraqalpog‘istondagi to‘yda tanasini mashinadan chiqarib tasvirga olgan operatorlar va haydovchi jarimaga tortilgan edi. Shuningdek, Andijonda 20 yoshli qiz mashinadan tanasini chiqarib harakatlangani, Samarqandda harakatlanayotgan Gentra’dan tanasini chiqarib, soxta dollar sochgan yigitlarga chora ko‘rilgani to‘g‘risida xabar berilgandi.
Izoh (0)