Surxondaryo viloyatida harakatlanayotgan mashinaga osilib ketayotgan bola videosi tarqalib, ko‘plab muhokamalarga sabab bo‘ldi.
Viloyat Yo‘l harakati xavfsizligi boshqarmasi holat yuzasidan ma’lumot berdi. Unga ko‘ra, YPX xodimlari tomonidan qoidalarda nazarda tutilgan tartib hamda majburiyatlar xususida haydovchi va yo‘lovchiga tushuntirish ishlari olib borilgan.
Haydovchi holatni sezmaganini, 200 metrcha yurganidan keyin ko‘rgach, tushirganini aytgan. Shuningdek, bu xavfli ekani va boshqa takrorlanmasligini ta’kidlagan.
Avvalroq Toshkentda bolasining boshini mashina oynasidan chiqarib harakatlangan haydovchiga chora ko‘rilgani haqida xabar berilgandi.
Qoraqalpog‘istondagi to‘yda tanasini mashinadan chiqarib tasvirga olgan operatorlar va haydovchi jarimaga tortilgan edi. Shuningdek, Andijonda 20 yoshli qiz mashinadan tanasini chiqarib harakatlangani, Samarqandda harakatlanayotgan Gentra’dan tanasini chiqarib, soxta dollar sochgan yigitlarga chora ko‘rilgani to‘g‘risida xabar berilgandi.
Izoh (0)