Samarqand shahridagi 56-bog‘chada har oy teatr yoki sirk uchun bolalardan pul talab qilinayotgani haqida xabarlar tarqaldi.
![](/static/2024/08/27/bog'-aHf2Ilg9.jpg)
Holat viloyat Maktabgacha va maktab taʼlimi bo‘limi tomonidan o‘rganildi. O‘rganishlar jarayonida 56-davlat maktabgacha taʼlim tashkiloti tarbiyachisi tomonidan ota-onalar guruhiga “bog‘chaga 15 ming so‘mdan batut keladi” deya xabar yozilgani, biroq pul yig‘ilmagani maʼlum bo‘ldi.
Mazkur holat yuzasidan tarbiyachiga nisbatan intizomiy jazo chorasi qo‘llanildi. Shuningdek, maʼlumotnomada ushbu tashkilotda shu kunlarda hech qanday teatr va hokazolar uchun pul yig‘ilmagani maʼlum qilingan.
Avvalroq Surxondaryo viloyatida erkak farzandi boradigan bog‘cha issiqligidan shikoyat qilgach, bog‘chaga 4 ta konditsioner o‘rnatilgani haqida xabar berilgandi. Shuningdek, Buxorodagi bog‘chada 150 bola ovqatiga 300 gramm go‘sht solingani aniqlangandi.
Izoh (0)