Raqobatni rivojlantirish va isteʼmolchilar huquqlarini himoya qilish qo‘mitasi Nukus xalqaro aeroportiga nisbatan ish qo‘zg‘atdi.
Ma’lum qilinishicha, “Nukus xalqaro aeroporti” MCHJ tomonidan amalga oshirilgan tanlov savdolarida qonun talablariga rioya qilinmagani yuzasidan o‘rganish ishlari olib borilgan.
O‘rganishlar natijasida mazkur MCHJ Davlat xaridlari portali orqali amalga oshirgan 120 million so‘mlik tanlov savdolarini o‘tkazishda “Davlat xaridlari” va “Raqobat to‘g‘risida”gi qonunlari talablariga rioya qilmagani aniqlandi.
Yuqoridagilarga ko‘ra, qo‘mita maxsus komissiyasi tomonidan “Raqobat to‘g‘risida”gi qonun hamda Vazirlar Mahkamasining 225-sonli nizom talablarini buzish alomatlari bilan “Nukus xalqaro aeroporti” MCHJga nisbatan belgilangan tartibda ish qo‘zg‘atilib, natijasi yuzasidan tegishli ta’sir chorasi qo‘llanildi.
Izoh (0)