Samarqand viloyati IIB Yo‘l harakati xavfsizligi boshqarmasi Nexia transport vositasi tanasini chiqarib olgan bir ayol bilan harakatlangani yuzasidan ma’lumot berdi.
Ijtimoiy tarmoqlarda Samarqandda katta tezlikda ketayotgan Nexia’dan tanasini chiqarib olgan ayol videosi tarqaldi. Samarqand viloyati IIB YHXB xodimlari tomonidan olib borilgan surishtiruv ishlari natijasida ushbu transport vositasi va haydovchisi topilgan.
“Kattaqo‘rg‘ondan kelayotgan edim. Yo‘ldan ikki yo‘lovchini mindirdim, ulardan biri oynadan tanasini chiqarganini ko‘rmabman”, — deydi haydovchi.
Unga nisbatan yo‘lovchiga tana qismlarini avtomashinaning oldi yon oyna qismidan chiqarib olganiga sharoit yaratib bergani uchun haydovchiga nisbatan qonuniy tartibda choralar ko‘rilib, haydovchi bilan tushuntirish ishlari olib borilgan.
Bundan oldin Qoraqalpog‘istondagi to‘yda tanasini mashinadan chiqarib tasvirga olgan operatorlar va haydovchi jarimaga tortilgan edi. Shuningdek, Andijonda 20 yoshli qiz mashinadan tanasini chiqarib harakatlangani, Samarqandda harakatlanayotgan Gentra’dan tanasini chiqarib, soxta dollar sochgan yigitlarga chora ko‘rilgani to‘g‘risida xabar berilgandi.
Izoh (0)