NATO bosh kotibi Yens Stoltenberg nima uchun Ukrainaga G‘arbda ishlab chiqarilgan tanklarni yetkazib berish muhimligini tushuntirdi. U Germaniya mudofaa vaziri Boris Pistorius bilan qo‘shma brifingda bu haqda gapirdi.
“Jangovar tanklar Rossiya armiyasining hujumini qaytarish, Ukrainaga hududini qaytarib olish, Yevropada suveren va mustaqil davlat sifatida g‘alaba qozonishini ta’minlashda muhim ahamiyatga ega”, — dedi u.
NATO rasmiysi ittifoqchilar Ukrainaga allaqachon jangovar tanklar berishga qaror qilgani va zirhli transport vositalarini, piyoda jangovar mashinalar yetkazmoqchiligini aytdi.
“Og‘irroq va zamonaviyroq qurollar kerak. Ittifoqchilar aynan shunday qurollar yetkazib berishni ma’lum qilgan. Germaniya Marder piyoda jangovar mashinalarini yetkazib berishi ma‘lum. AQSH Bradley va Stryker zirhli jangovar mashinalari va boshqa turdagi zirhli texnikalar yetkazib bermoqchi. Kanada va boshqa ittifoqchilar ham turli zirhli texnikalar, xususan, jangovar mashinalar yetkazib berishni ko‘paytirmoqda. Fransiya yengil jangovar tanklarni, Buyuk Britaniya esa zamonaviy Challenger 2 jangovar tankini yetkazib berishi ma’lum bo‘ldi”, — dedi Stoltenberg.
U mazkur qurollar Ukrainaning jangovar qobiliyatiga qo‘shimcha hissa qo‘shishini qayd etdi.
“Bu shoshilinch va muhim jarayondir, chunki Rossiya yangi hujum tayyorlamoqda. Ukrainaliklarga tezda hujumlarni qaytarish va o‘z hududlarini ozod qilish imkoniyatini yaratishimiz kerak”, — deydi NATO bosh kotibi.
Shuningdek, u Germaniya vaziri bilan jangovar tanklar masalasini muhokama qilgani, Ittifoqchilar o‘rtasidagi maslahatlashuvlar davom etishi va tez orada tegishli qaror qabul qilinishini aytdi.
Mavzuga doir:
- Polsha Ukrainaga Germaniya tanklarisiz ham “kichikroq koalitsiya” bilan yordam berishga tayyorligini ma’lum qildi
- Zelenskiy Ukrainaga hozir qanday qurollar kerakligini aytdi
- Afrika mamlakati birinchi marta Ukrainaga tanklar yetkazib berdi
- Fotoreportaj: G‘arb Ukrainaga qanday qurollarni va’da qilmoqda?
- Nega Ukraina Germaniyadan aynan “Leopard” tanklarini so‘ramoqda? U qanday ahamiyatga ega?
Izoh (0)