AQSH va Isroil tarixdagi eng yirik va muhim qo‘shma harbiy mashg‘ulotlarni boshladi. Bu haqda Reuters xabar berdi.
Ma’lum qilinishicha, mashg‘ulotlarda minglab harbiy xizmatchilar, o‘nlab kemalar va 142 ta samolyot, jumladan yadroviy bombardimochi samolyotlar ishtirok etmoqda. Juniper Oak deb nomlangan mashg‘ulot 27-yanvar, juma kuniga qadar davom etadi.
“Bu Eron yadro dasturi bo‘yicha ziddiyatlar fonida AQSH va Isroil harbiy kuchlari o‘rtasidagi integratsiyani ko‘rsatish va chuqurlashtirishga mo‘ljallangan. Mashqlar ko‘lami qator ssenariylarni qamrab oladi, bundan Eron o‘zi uchun ba’zi saboqlar olishi mumkin”, — dedi AQSH Mudofaa vazirligining yuqori martabali rasmiysi.
Ikki davlatning otishma mashqlarida 6 500 nafar amerikalik askar va 1100 dan ortiq isroillik askar ishtirok etadi. Mashg‘ulotlarda B-52 bombardimonchi samolyotlaridan tashqari F-35, F-15, F-16, F-18 qiruvchi samolyotlari, shuningdek, MQ-9 Reaper uchuvchisiz uchoqlari qatnashmoqda. Isroil va AQSH askarlari ishtirokidagi mashqlar o‘tkazish bir necha oy oldin, Benyamin Netanyaxu bosh vazirlikka qaytishidan oldin boshlangan.
Izoh (0)