Belarus prezidenti Aleksandr Lukashenko Ukraina Minskka hujum qilmaslik to‘g‘risida shartnoma tuzishni taklif qilganini aytdi. Bu haqda “BelTA” xabar berdi.
Lukashenko taklif aynan kimdan tushganiga aniqlik kiritmagan.
“Ukrainaliklar nega bunday qilishayotganini bilmayman. Bir tomondan, ular bizdan Ukraina bilan urishmaslikni, qo‘shinlarimiz u yerga siljishmasligini so‘rayapti. Ular hujum qilmaslik to‘g‘risidagi paktni imzolashni taklif qilmoqda. Boshqa tomondan esa Belarus milliy xavfsizligiga potensial tahdid soladigan jangarilarni tayyorlashni davom ettirmoqda. Polsha, Litva umuman aqldan ozgan. Ularga bu nimaga kerak, tushunarsiz. Shuning uchun keskin munosabat bildirishga majburmiz” — deydi u.
Ukraina tomoni mazkur ma’lumotga hozircha izoh bermagan. Putinning matbuot kotibi Dmitriy Peskov “Kiyev Minskka hujum qilmaslik to‘g‘risida shartnoma taklif qilgani haqida Kremlda hech qanday ma’lumot yo‘q”ligini bildirdi.
Mavzuga doir:
- Belarusga Rossiyadan yangi kuchlar yetib keldi
- Belarusning Ukraina bilan chegarasida Rossiya 10 mingga yaqin harbiy yig‘gani aytilmoqda
- Belarusda 3 kishi Rossiya texnikasining Ukrainaga olib o‘tilishiga yo‘l qo‘ymaslik maqsadida temiryo‘lda qo‘poruvchilik qilgani uchun 20 yildan ortiq muddatga qamaldi
Izoh (0)