Nega Ukraina va uning ittifoqchilari frontga tanklar yetkazib berishni muhokama qilish jarayonida Germaniyaning “Leopard 2” tanklari haqida gapirmoqda? BBC muxbiri Jeyms Uoterxaus bunga izoh berdi.
“Leopard” dunyodagi eng yaxshi jangovar mashinalardan biri hisoblanadi. Bundan tashqari, u sovet T-72 tankiga raqobat tarzda ishlab chiqilgan. Uoterxaus Ukrainaning mazkur tankka bo‘lgan ehtiyojining uchta sababni keltirib o‘tadi.
“Birinchidan, Yevropa mamlakatlarida “Leopard 2” juda ko‘p bo‘lib, taxminan ularning soni uch mingga yaqinlashadi. Ikkinchidan, ulardan foydalanish boshqa tanklarga nisbatan ancha oson. “Leopard”lar Yevropaning 13 ta davlatida mavjud bo‘lib, bu mazkur tanklarning ehtiyot qismlari va o‘q-dorilari yetarli ekanidan dalolat beradi. Uchinchidan, “Leopard” sovuq urush davrida sovet T-90 ga raqib sifatida yaratilgan bo‘lib, Rossiya armiyasida mazkur sovet tanklari yetarlicha”, — ta’kidlaydi BBC muxbiri.
Polshaning sobiq mudofaa o‘rinbosari, general Valdemar Skshipchak ham o‘z fikrlari bilan o‘rtoqlashdi.
“Asl kasbim — tankchi. Men “Leopard 2” tanklari brigadasini o‘z ichiga olgan diviziyaga qo‘mondonlik qilganman. Aytishim mumkinki, “Leopard” deyarli mukammal qurol. Bu mashinalar samarali o‘t o‘chirish va harakatlanish imkoniyatini beradi. Ushbu tanklar bilan to‘qnashuvda Rossiyaning “Armata”, T-14 tanklari mag‘lubga uchraydi”, — deydi Skshipchak.
Ukrainadagi urush: Germaniya qanday yordam ko‘rsatmoqda?
Federal hukumat har hafta Ukrainaga berilgan qurollar ro‘yxatini yangilab turadi.
5-yanvar kuni Germaniya Ukrainaga yangi harbiy yordam paketini topshirdi, uning ichiga raketa tizimlari, uchuvchisiz uchish apparatlari va dronlarga qarshi mudofaa tizimi kiradi.
6-yanvar kuni Germaniya Ukrainaga o‘z zaxiralaridan Patriot zenit-raketa majmuasini yuborishi ma’lum bo‘ldi.
Ayni paytda OAVlar kansler Olaf Sholsga Ukrainaga og‘ir qurollarni topshirish bo‘yicha Germaniyadagi siyosiy ittifoqchilar tomonidan bosim kuchayib borayotgani haqida yozmoqda.
20-yanvar kuni Germaniyaning Ramshteyn shahridagi Amerika harbiy bazasida G‘arb ittifoqchilarining Ukraina bo‘yicha aloqa guruhi doirasidagi navbatdagi uchrashuv bo‘ldi. Unda Pentagon AQSHning Abrams tanklari hozircha Ukrainaga berilmasligi, ammo Yevropa Ittifoqining ko‘plab davlatlari Leopard tanklarini berishga rozi bo‘lganini ta’kidladi.
Slovakiya va Chexiya Ukrainaga 30 ta nemis “Leopard 2” tankini — oyiga 2 ta tank berishga kelishib oldi. Buning evaziga mazkur davlatlar Germaniyadan kamroq miqdorda “Leopard 2A4” tankini oladi.
Izoh (0)