Xitoy Afrika mamlakatlari harbiy bozorida Rossiya bilan tobora faolroq raqobat qilmoqda. Buning ustiga, Xitoy “Bir makon, bir yo‘l” dasturi doirasidagi loyihalarni himoya qilish uchun o‘zining Afrikadagi faol ishtirokini kengaytirmoqda.
Eurasian Times Amerikaning RAND tahlil markazi ma’lumotlariga tayanib xabar berishicha, Rossiya va Xitoy Afrikaga samolyotlar, uchuvchisiz qurilmalar, raketalar artilleriya, bronetexnika va hatto kemalarni yetkazib beradi.
Xitoy 17 ta mamlakatga qurol yetkazib beradi, Afrikaning 15 ta mamlakatida esa Xitoy xususiy harbiy kompaniyalari doimiy joylashuvga ega.
Rossiya 14 ta mamlakatga qurol yetkazadi, Afrikaning 31 ta mamlakatida esa uning xususiy harbiy kompaniyalari joylashgan.
Avvalroq Rossiya kemasi Janubiy Afrikaga yashirincha qurol-yarog‘ yetkazib bergani ma’lum bo‘lgan edi. Kreml uchun qurol tashib keltirgan kemasozlik kompaniyasiga qarashli Lady R kemasi dekabr oyida transponderini o‘chirib qo‘yib, Janubiy Afrikadagi eng yirik harbiy-dengiz bazasiga kelib to‘xtagan, u yerga noma’lum yuklarni yetkazgan va tushirgan.
Izoh (0)