Xitoy samolyotlari Tayvanning janubi-g‘arbiy havo mudofaa zonasiga kirdi. Bu haqda Tayvan milliy mudofaa vazirligi Twitter’dagi sahifasida ma’lum qildi.
Ma’lum qilinishicha, Xitoy armiyasining sakkizta samolyoti va uchta harbiy-dengiz kemasi orolning havo hujumidan mudofaa zonasiga kirgan. Tayvan Mudofaa vazirligi harbiylari vaziyatni kuzatayotganini ma’lum qilgan. CAP samolyotlari, dengiz floti kemalari va yerdagi raketa tizimlariga ushbu harakatlarga javob berish uchun ko‘rsatma berilgan.
Aniqlangan samolyotlardan ikkitasi, Su-30 va Y8-EW Tayvanni materik Xitoydan ajratib turuvchi norasmiy bufer zonasi bo‘lgan Tayvan bo‘g‘ozining meredian chizig‘ini kesib o‘tgan va Tayvanning janubi-g‘arbiy havo mudofaasini aniqlash zonasiga kirgan. Bu so‘nggi haftada Xitoy armiyasi Tayvan bo‘g‘ozining o‘rta chizig‘ini to‘rtinchi marta kesib o‘tishidir.
9-yanvarda ham Xitoy Xalq ozodlik armiyasining 57 ta samolyoti va to‘rtta kemasi Tayvanga tutash hududga kirgandi. 26-dekabrda ham Xitoyning 43 ta harbiy samolyoti Tayvan bo‘g‘ozini kesib o‘tgan. Tayvanni o‘z hududi deb hisoblaydigan Xitoy 25-dekabrda Tayvan atrofidagi dengiz va havo hududida “zarba mashqlari” o‘tkazdi. Bu AQSH va Tayvanning provokatsiyalariga javob ekani ta’kidlanadi.
Mavzuga doir: Tayvan bilan harbiy nizo yuz bergan taqdirda, Xitoy g‘olib bo‘lishi dargumon — amerikalik ekspertlar
Izoh (0)