Хитой Африка мамлакатлари ҳарбий бозорида Россия билан тобора фаолроқ рақобат қилмоқда. Бунинг устига, Хитой «Бир макон, бир йўл» дастури доирасидаги лойиҳаларни ҳимоя қилиш учун ўзининг Африкадаги фаол иштирокини кенгайтирмоқда.
Eurasiaн Times Американинг РAND таҳлил маркази маълумотларига таяниб хабар беришича, Россия ва Хитой Африкага самолётлар, учувчисиз қурилмалар, ракеталар артиллерия, бронетехника ва ҳатто кемаларни етказиб беради.
Хитой 17 та мамлакатга қурол етказиб беради, Африканинг 15 та мамлакатида эса Хитой хусусий ҳарбий компаниялари доимий жойлашувга эга.
Россия 14 та мамлакатга қурол етказади, Африканинг 31 та мамлакатида эса унинг хусусий ҳарбий компаниялари жойлашган.
Аввалроқ Россия кемаси Жанубий Африкага яширинча қурол-яроғ етказиб бергани маълум бўлган эди. Кремль учун қурол ташиб келтирган кемасозлик компаниясига қарашли Ладй Р кемаси декабрь ойида транспондерини ўчириб қўйиб, Жанубий Африкадаги энг йирик ҳарбий-денгиз базасига келиб тўхтаган, у ерга номаълум юкларни етказган ва туширган.
Изоҳ (0)