Parijning Gare du Nord vokzalida pichoq bilan qurollangan erkak olti kishini pichoqladi. Bu haqda Al Jazeera xabar berdi.
Fransiya temir yo‘llari milliy kompaniyasi hujumchi ham jarohat olgani va voqea joyidan evakuatsiya qilinganini ma’lum qildi. Erkak mahalliy vaqt bilan soat 6:43da bir necha kishiga, shu jumladan politsiyachiga hujum qilgan. Politsiya bunga javoban erkakka o‘q uzgan, u og‘ir ahvolda kasalxonaga olib ketilgan.
Yaralanganlar orasida bir necha yo‘lovchi va politsiya bor. xavfsizlik xodimini o‘q o‘tkazmaydigan jilet qutqarib qolgan. Jarohatlanganlardan biri yelkasidan og‘ir jarohat olib, tez tibbiy yordamga olib ketilgan. Hujumchining nima maqsadda bunday qilgani aniq emas. Fransiya 2015-yildan beri davom etayotgan qonli hujumlardan so‘ng kuchaytirilgan xavfsizlik rejimida qolmoqda.
Fevral oyida yana bir pichoq bilan qurollangan erkak Gare du Nordda xavfsizlik kuchlariga hujum qilgan va voqea joyida halok bo‘lgandi.
Mavzuga doir: Parijda 69 yoshli erkak ko‘chadagilarga qarata o‘q uzdi. Qurbonlar bor (video)
Izoh (0)