Kobuldagi Afg‘oniston Tashqi ishlar vazirligi binosiga kirishda xudkush terrorchi o‘zini portlatib yubordi. Bu haqda Tasnim news xabar berdi.
Ma’lum qilinishicha, kamida uchta portlash qayd etilgan. Hodisa “Tolibon” Tashqi ishlar vazirligining kirish eshigi yaqinida yuz bergan. Hodisa sababi va qurbonlar soniga aniqlik kiritilmagan. Norasmiy manbalar kamida 12 kishi halok bo‘lganini yozmoqda.
Hujumda TIV o‘rinbosari Sher Muhammad Abbos Stanizkayni yo‘q qilish bo‘lgani aytilmoqda. U xavfsiz va sog‘ ekani tasdiqlangan. Xavfsizlik guruhlari hududga yetib kelgan. Hodisaning batafsil tafsilotlari tez orada e’lon qilinadi.
Afg‘onistondagi so‘nggi portlashlar
1-yanvarda Kobuldagi harbiy aeroportda portlash yuz berib, 14 kishi halok bo‘lgandi.
22-dekabr kuni Kobulning Rossiya elchixonasi joylashgan tumanida portlash sodir bo‘lgandi. Politsiya hodisada qurbonlar va vayronalar yo‘qligini aytgan.
12-dekabr kuni Kobul shahrida xitoyliklar bo‘lgan “Shahr-No” mehmonxonasiga hujum qilingandi. Voqea joyida bir necha portlashlar ham eshitilgan.
Ma’lumot o‘rnida, Afg‘onistonning Samangon viloyatidagi diniy maktabda 29-noyabr kuni portlash sodir bo‘lgandi. Hodisa oqibatida 35 kishi halok bo‘lgan va 23 kishi jarohatlangan.
Izoh (0)