Ijtimoiy tarmoqlarda Andijonda sobiq kuyov qaynukasining uyiga kelib moshinasini yoqib ketgani haqida xabarlar tarqaldi. Holat yuzasidan Andijon viloyati ichki ishlar boshqarmasi axborot xizmati munosabat bildirdi.
Ma’lum qilinishicha, joriy yilning 3-avgust kuni tungi soat 01:28 larda Andijon tumani, “Zangibobo” mahallasida yashovchi O‘.U. 102 qisqa raqamiga xabar berib, uyining oldida turgan o‘ziga tegishli bo‘lgan Nexia-2 rusumli avtomashinasini, sobiq pochchasi A.X. o‘rtalaridagi o‘zaro oilaviy kelishmovchilik sababidan yoqib yuborganini bildirgan.
Voqea joyiga tergov-tezkor guruhi a’zolari tomonidan zudlik bilan yetib borilib, surishtiruv harakatlari olib borilgan.
Mazkur holat yuzasidan Andijon tumani IIB huzuridagi Tergov bo‘linmasi tomonidan gumonlanuvchi shaxsga nisbatan JKning 173-moddasi (mulkni qasddan nobud qilish yoki unga zarar yetkazish) 1-qismi bilan jinoyat ishi qo‘zg‘atilib, hozirda tergov harakatlari olib borilmoqda.
Izoh (0)