Ishdan bo‘sh vaqtingizda yoki dam olish kunlari qanday qilib o‘z yaqinlaringiz ko‘nglini olishga o‘ylanayotgan bo‘lsangiz, bu retsept aynan siz uchun. Bugun birgalikda “Ahil oila” pirogini tayyorlab ko‘ramiz!
Kerakli mahsulotlar:
- un – 430 gr;
- sut — 190 ml;
- tuxum — 1 dona;
- tuxum sarig‘i — 1 dona;
- margarin — 30 gramm;
- o‘simlik yog‘i — 30 ml;
- xamirturush — 25 gr;
- shakar — 2 osh qoshiq;
- tuz ta’bga qarab;
- vanilin — 10 gr.
- mahsulotlarning hammasini stol ustiga qo‘yib olamiz;
- iliq sutda xamirturushni suyultirib olib, shakarni va unni ham aralashmaga qo‘shib, 20 daqiqaga tindirish uchun qo‘yamiz;
- tuxumni tuz bilan aralashtirib, tindirilgan aralashmani qo‘shamiz va aralashtiramiz. Qolgan mahsulotlarni ham birin-ketin qo‘shamiz va xamir qoramiz;
- so‘ngra tayyor xamirni yana 10 daqiqaga tindirish uchun qo‘yamiz;
- xamirni kesish oson bo‘lishi uchun o‘simlik yog‘i surtamiz (un ishlatmaymiz) va kichik-kichik koptokcha shaklida bo‘lib olamiz (taxminan 40 grammdan 19 dona koptokchalar chiqadi);
- koptokchalarning ichini to‘ldirish uchun istalgan nachinkadan foydalanishingiz mumkin, masalan, murabbolardan. Va ularni tuguncha qilib o‘rab olamiz;
- xamirli koptokchalar maxsus pishirish qog‘ozi solingan yoki yog‘langan listga bir-biriga yaqin qilib terib chiqamiz va pechga qo‘yamiz. 30 daqiqa davomida iliq xona haroratida saqlaymiz;
- pirogning yuqori qismiga tuxumning sarig‘ini surtamiz va 20 daqiqa davomida 180 gradusda pishirib olamiz. Tayyor bo‘lgan pirogni dasturxonga tortamiz va o‘z yaqinlaringizni xursand qilamiz!
Izoh (0)