Yozning issiq kunlarini eslash uchun bugun muzdek, shirin va tetiklantiruvchi ichimlik – anorli moxito tayyorlashni o‘rganamiz. Oddiy va oson yo‘l bilan tayyorlanadigan ichimlikni o‘z yaqinlaringiz uchun tayyorlab bering!
- shakar — ½ stakan;
- suv — ½ stakan;
- laym — 1 dona;
- yalpiz barglari — 10 dona;
- muz — 1 hovuch;
- anor donalari — ta’bga ko'ra;
- anor suvi — 120 ml;
- gazli suv — 240 ml.
- shakarni idishga soling va suv quying. Baland olovga qo‘yib, aralashtiring, so‘ngra qaynatib oling. Tayyor bo‘lgan siropni sovutib oling;
- laymni doira shaklida bir necha bo‘lakka bo‘lib oling va sirop quyilgan stakanga yalpizlar bilan bezak bering;
- stakanga muz va anor donachalarini qo‘shing, sovuq moxitoga gazli suvni quying va aralashtiring.
