Qiyma va sabzavotli sho‘rva tayyorlaymiz

Taom tarkibidagi yashil loviya, makkajo‘xori, sarimsoq va boshqa vitaminga boy mahsulotlar bir-biri bilan uyg‘unlashib, takrorlanmas ta’mni hosil qiladi.

Kerakli mahsulotlar:

• Sabzi − 1-2 dona;
• Piyoz  − 1 dona;
• O‘simlik yog‘i − 2 osh qoshiq;
• Mol go‘shti qiymasi  − 450 gramm;
• Sarimsoq − 2 bo‘lak;
• Kartoshka − 2-3 dona;
• Pomidor sharbati − 350-400 gramm;
• Pomidor sousi −  150 gramm;
• Go‘shtli bulyon − 1500-1700 ml;
• Konservalangan yashil loviya  − 80-100 gramm;
• Konservalangan makkajo‘xori − 80-100 gramm;
• Ko‘kat, tuz va ziravorlar.

1. Sabzi va ko‘kat mayda to‘g‘raladi. Piyoz maydalanadi.
2. Qizigan yog‘da to‘g‘ralgan sabzavotlar qovuriladi. Ustidan qiyma solib, 4-5 daqiqa davomida pishiriladi.
3. Ustidan maydalangan sarimsoq, tuz va ziravorlar solinadi.
4. Kartoshka ham mayda to‘g‘ralib, pomidor sharbati va sousi qo‘shiladi. Aralashma ustidan bulyon solinib, 20-25 daqiqa davomida pishiriladi.
5. Qaynab chiqqan sho‘rvaga makkajo‘xori va loviya qo‘shiladi. Yana 5-10 daqiqa qaynatiladi.
6. Birozdan so‘ng taomni suzib, dasturxonga tortish mumkin.