Germaniya poytaxti Berlin shahrida Villi Brandt nomidagi Berlin-Brandenburg aeroporti (BER)ning ochilish marosimi bo‘lib o‘tdi, ushbu maskanning qurilishini 2006-yilda boshlangan edi. Bu haqda DW nashri xabar tarqatgan.
Qayd etilishicha, yangi aeroport allaqachon ikkita mahalliy reysni qabul qilishga ulgurgan. 1-noyabr kuni tongda Londonga ilk parvoz amalga oshirilgan.
DW’ning yozishicha, tabiatni asrash tashkilotlarining vakillari, mahalliy aholi va taksi haydovchilari tomonidan BER’ning ochilishiga qarshi turli norozilik aksiyalari o‘tkazilgan. Uch mingga yaqin namoyishchi ko‘chalarda to‘plangan.
Yangi aeroportning qurilishiga Germaniya hukumati tomonidan 7 milliard yevroga yaqin mablag‘ sarflangan, sarf-xarajatlar jadvalidagi dastlabki mablag‘ 2 milliard bo‘lishi hisob-kitob qilingandi. Shunga qaramay, obyektni foydalanishga topshirish olti marta boshqa muddatga qoldirilgan. Jurnalistlar BER’ga “milliardlar qabristoni” deya ta’rif ham bergan.
Yangi tayyoragohning ochilishi munosabati bilan Berlin Shenefeld va Tegel xalqaro aeroportlari texnik jihatdan eskirib qolgani tufayli yopib qo‘yiladi.
Mavzuga doir:
Izoh (0)