COVID-19 koronavirus infeksiyasining asosiy simptomlari isitma, yo‘tal, tomoq og‘rig‘i, hid va ta’m bilishni yo‘qotishdir. “RBK”ning yozishicha, bu haqda virusolog, tibbiyot fanlari doktori va Rossiyada xizmat ko‘rsatgan fan arbobi Anatoliy Altshteyn ma’lum qildi.
“O‘zingizda 16 ta simptomni izlashning mutlaqo keragi yo‘q. Harorat ko‘tarilishini, yo‘tal, hid va ta’m bilishni yo‘qotishni, o‘zingizni yomon his qilayotganingizni, tomoqda og‘riqni kuzatishning o‘zi kifoya. Bularni nazorat qilish kerak. Qolgan 20 ta ortiqcha alomatlarga kelsak, kasal bo‘lib qolsangiz, bu alomatlarni topadigan shifokorlarga qo‘yib bering”, — degan virusolog.
Uning aytishicha, koronavirus inson organizmidagi turli to‘qimalarni, shu jumladan, asab hujayralarini zararlashi mumkin. Shu sababli kasallikning alomatlari har xil bo‘lishi mumkin. Shu bilan birga, Altshteynning ta’kidlashicha, bemor ushbu alomatlarni o‘zida qidirishi kerak emas.
“Agar isitma, yo‘tal va boshqa alomatlar bo‘lmasa, oyoq barmoqlari rangining o‘zgarishiga e’tibor bermasa ham bo‘ladi”, — deya o‘z so‘zlarini yakunlagan Altshteyn.
Avvalroq AQShda olimlar COVID-19 koronavirus infeksiyasining dastlabki belgilari qay tartibda kechishini tahlil qilgani xabar berilgan edi.
Izoh (0)