Германия пойтахти Берлин шаҳрида Вилли Брандт номидаги Берлин-Бранденбург аэропорти (BER)нинг очилиш маросими бўлиб ўтди, ушбу масканнинг қурилишини 2006 йилда бошланган эди. Бу ҳақда DW нашри хабар тарқатган.
Қайд этилишича, янги аэропорт аллақачон иккита маҳаллий рейсни қабул қилишга улгурган. 1 ноябрь куни тонгда Лондонга илк парвоз амалга оширилган.
DW’нинг ёзишича, табиатни асраш ташкилотларининг вакиллари, маҳаллий аҳоли ва такси ҳайдовчилари томонидан BER’нинг очилишига қарши турли норозилик акциялари ўтказилган. Уч мингга яқин намойишчи кўчаларда тўпланган.
Янги аэропортнинг қурилишига Германия ҳукумати томонидан 7 миллиард еврога яқин маблағ сарфланган, сарф-харажатлар жадвалидаги дастлабки маблағ 2 миллиард бўлиши ҳисоб-китоб қилинганди. Шунга қарамай, объектни фойдаланишга топшириш олти марта бошқа муддатга қолдирилган. Журналистлар BER’га «миллиардлар қабристони» дея таъриф ҳам берган.
Янги тайёрагоҳнинг очилиши муносабати билан Берлин Шенефелд ва Тегель халқаро аэропортлари техник жиҳатдан эскириб қолгани туфайли ёпиб қўйилади.
Мавзуга доир:
Изоҳ (0)