Gretsiyaning Samos orolida zilzila sababli olti oyga favqulodda holat e’lon qilindi, deb xabar qildi mamlakat Fuqaro muhofazasi bosh kotibiyatiga tayanib “RIA Novosti”.
“Fuqaro muhofazasi va inqirozlarni boshqarish vazirining o‘rinbosari Nikos Xardaliasning buyrug‘i va Fuqaro muhofazasi bosh kotibi Vasilios Papageorgiouning qarori bilan Sharqiy va G‘arbiy Samos munitsipalitetlari favqulodda holat e’lon qilindi”, – deyiladi xabarda.
Zilzila sababli favqulodda holat joriy etish uning oqibatlarini bartaraf etish uchun zarur. Chunki ushbu rejim vaqtida qaror qabul qilish soddalashadi. Rejim olti oy davomida, 2021-yil 30-aprelgacha amal qiladi.
Eslatib o‘tamiz, Gretsiyaning Samos oroli va Turkiyaning Izmir viloyatidagi Seferihisar shahri yaqinidagi Egey dengizida 30-oktabr kuni tushdan keyin kuchli zilzila yuz berdi. Gretsiya seysmologlari zilzila kuchini 6,9 ball deb baholadi.
Zilzila oqibatida Gretsiyada ikki maktab o‘quvchisi halok bo‘ldi, 19 kishi jarohat oldi va bir qator binolarga zarar yetdi. Turkiyada esa tabiiy ofatdan 25 kishi halok bo‘ldi, 800 dan ortiq kishi jarohat oldi.
Izoh (0)