Sog‘liqni saqlash vazirligi koronavirusga chalingan 48 yoshli IIV podpolkovnigining vafot etganini rasman tasdiqladi

Sog‘liqni saqlash vazirligi koronavirusga chalingan 48 yoshli Sh.N. ismli IIV podpolkovnigining ham vafot etganini rasman tasdiqladi.

Vazirlik matbuot xizmatining xabariga ko‘ra, Toshkent tumanida yashagan 48 yoshli Sh.N. 2020-yil 24-iyunda xizmat safari bilan Surxondaryo viloyatida bo‘lib, tana harorati ko‘tarilganligi va holsizlik sabab viloyat Ichki ishlar boshqarmasi tibbiyot bo‘limiga murojaat qilgan.

Unda COVID- 19 infeksiyasi tasdiqlangach, viloyat shifoxonasiga yotqizilgan. Bemorda o‘tkir nafas yetishmovchiligi kuzatilgan.

Unga COVID-19 infeksiyasi va ikki tomonlama pnevmoniya og‘ir kechishi, o‘tkir nafas yetishmovchiligi, yurak ishemik kasalligi, surunkali bronxit tashxisi qo‘yilgan.

Shifoxonada bemorning davolanishi davomida shifokorlar tomonidan konsultatsiyalar qilingan, davolash jarayoni mutaxassislar tavsiyasi asosida olib borilgan.

Biroq 2020-yilning 14-iyul kuni uning ahvoli keskin og‘irlashgan. Reanimatsiya bo‘limi shifokorlarining muolajalariga qaramasdan bemor o‘tkir yurak-qon tomir va nafas yetishmovchiligidan vafot etgan.

Iyul oyining o‘zida SSV bergan rasmiy axborotlar bo‘yicha O‘zbekistonda jami 43 ta o‘lim holati qayd etilgan va bu rasman 44-o‘lim. Shu tariqa SSV IIV podpolkovnigi va Toshkent shahar IIBB mayori koronavirus oqibatida vafot etganini rasman tasdiqladi. O‘zbekistonda epidemiya boshlanganidan buyon kuzatilgan o‘lim holatlari soni 71 taga yetdi.

• 1-iyul kuni Qashqadaryoda 64 yoshli S.H. ismli erkak o‘tkir yurak-qon tomir va nafas yetishmovchiligidan (u 29-iyun kuni olamdan o‘tgan);
• 3-iyul kuni Toshkentda 59 yoshli G‘.B. ismli erkak o‘tkir yurak-qon tomir va o‘pka yetishmovchiligidan (u 2-iyul kuni olamdan o‘tgan);
• 3-iyul kuni Toshkentda saraton kasalligidan davolanib kelgan 77 yoshli ayol o‘tkir yurak-qon tomir va o‘pka yetishmovchiligidan (u 2-iyul kuni olamdan o‘tgan);
• 4-iyul kuni Toshkentda 65 yoshli erkak V.M. o‘pka arteriyasi tromboemboliyasi, o‘tkir nafas va yurak yetishmovchiligidan (u 3-iyul kuni vafot etgan);
• 4-iyul kuni Buxoroda 35 yoshli D.Sh. o‘tkir nafas va yurak yetishmovchiligidan (u 3-iyul kuni vafot etgan);
• 5-iyul kuni Toshkentda 71 yoshli M.G. ismli ayol o‘tkir yurak-qon tomir va o‘pka yetishmovchiligidan;
• 5-iyul kuni Toshkentda 45 yoshli Z. ismli erkak o‘tkir yurak-qon tomir va o‘pka yetishmovchiligidan;
• 5-iyul kuni Toshkentda 49 yoshli N.U. ismli ayol ikki tomonlama pnevmoniya, o‘tkir nafas va yurak-qon tomir yetishmovchiligidan;
• 6-iyul kuni Toshkentda 67 yoshli L.M. ismli erkak o‘tkir yurak-qon tomir va nafas yetishmovchiligidan;
• 6-iyul kuni Toshkentda 43 yoshli A. ismli erkak o‘tkir nafas va yurak-qon tomir yetishmovchiligidan;
• 6-iyun kuni Toshkentda 86 yoshli Z.R. ismli ayol miya shishi, o‘tkir yurak-qon tomir va nafas yetishmovchiligidan;
• 7-iyul kuni Samarqandda 61 yoshli O.N. ismli ayol o‘tkir nafas va yurak-qon tomir yetishmovchiligidan;
• 7-iyul kuni Toshkentda 79 yoshli X.B. ismli erkak o‘tkir yurak-qon tomir va nafas yetishmovchiligidan;
• 7-iyul kuni Navoiyda 38 yoshli X.Sh. ismli erkak o‘tkir yurak-qon tomir va nafas yetishmovchiligi, o‘tkir bosh miya va o‘pka shishidan
• 8-iyul kuni Toshkentda 64 yoshli ayol o‘tkir nafas va yurak-qon tomir yetishmovchiligidan
• 8-iyul kuni Toshkentda 64 yoshli B.K.ning o‘tkir yurak-qon tomir va nafas yetishmovchiligidan; 
• 8-iyul kuni Qoraqalpog‘istonda 56 yoshli Z.D. ismli ayol o‘tkir yurak-qon tomir va nafas yetishmovchiligidan;
• 8-iyul kuni Navoiy shahrida yashovchi 52 yoshli B.A. ismli erkakning o‘tkir yurak-qon tomir va nafas yetishmovchiligi, o‘tkir bosh miya va o‘pka shishi oqibatida;
• 8-iyul kuni Toshkent shahrida 72 yoshli L.S. ismli ayol o‘tkir yurak-qon tomir va nafas yetishmovchiligidan;
• 9-iyul kuni Buxoroda 40 yoshli afg‘onistonlik M.H. ismli erkak o‘tkir yurak-qon tomir va nafas yetishmovchiligidan;
• 9-iyul kuni Toshkentning Uchtepa tumanida yashovchi 83 yoshli Sh.T. ismli ayol o‘tkir yurak-qon tomir va nafas yetishmovchiligidan;
• 9-iyul kuni Toshkent shahri Shayxontohur tumanida yashovchi 51 yoshli R.N. ismli erkak o‘tkir yurak- qon tomir va nafas yetishmovchiligidan;
• 9-iyul kuni Jizzax shahrida yashovchi 28 yoshli M.O. ismli ayol o‘tkir yurak-qon tomir va nafas yetishmovchiligidan;
• 9-iyul kuni Buxoro viloyatida yashovchi 53 yoshli N.S. ismli ayol o‘tkir nafas va yurak-qon tomir yetishmovchiligidan;
• 9-iyul kuni Surxondaryo viloyatida yashovchi 35 yoshli S.S. ismli erkak o‘tkir yurak-qon tomir va nafas yetishmovchiligidan;
• 10-iyul kuni Navoiy viloyati Zarafshon shahrida yashovchi 55 yoshli J.O‘. ismli erkak o‘tkir yurak-qon tomir va nafas yetishmovchiligidan
• 10-iyul kuni Surxondaryo viloyati Termiz shahrida yashovchi 67 yoshli R.A. ismli erkak miokard infarkti, o‘tkir yurak-qon tomir va nafas yetishmovchiligidan;
• 10-iyul kuni Toshkent viloyatida poytaxtlik 69 yoshli V.M. ismli erkak miokard infarkti, o‘tkir yurak-qon tomir va nafas yetishmovchiligidan;
• 11-iyul kuni Toshkent shahrida 50 yoshli R.Yu. ismli ayol o‘tkir yurak-qon tomir va nafas yetishmovchiligidan;
• 11-iyul kuni Toshkent shahrida yashovchi 66 yoshli M.R. ismli ayol o‘tkir nafas va yurak-qon tomir yetishmovchiligidan vafot etgani to‘g‘risida xabar berilgandi.
• 12-iyul kuni Toshkent shahrining Olmazor tumanida yashagan 53 yoshli M.K. ismli ayol o‘tkir nafas va yurak-qon tomir yetishmovchiligidan;
• 12-iyul kuni Toshkent shahrining Chilonzor tumanida yashovchi 76 yoshli V.T. ismli ayol o‘tkir nafas va yurak-qon tomir yetishmovchiligidan;
• 12-iyul kuni Toshkent shahrining Olmazor tumanida yashovchi 65 yoshli M.X. ismli ayol o‘tkir nafas va yurak-qon tomir yetishmovchiligidan;
• 13-iyul kuni Toshkent shahrining Shayxontohur tumanida yashovchi 67 yoshli M.T. ismli ayol o‘tkir nafas va yurak-qon tomir yetishmovchiligidan;
• 13-iyul kuni Toshkent shahrining Uchtepa tumanida yashovchi 65 yoshli S.Q. ismli ayol o‘tkir nafas va yurak-qon tomir yetishmovchiligidan;
• 13-iyul kuni Toshkent shahrida yashovchi 60 yoshli B.E. ismli erkak o‘tkir nafas va yurak-qon tomir yetishmovchiligidan;
• 14-iyul kuni Qashqadaryo viloyati Qarshi tumanida yashovchi 56 yoshli B.V. ismli erkak yurak-qon tomir yetishmovchiligidan;
• 14-iyul kuni Toshkent shahar Shayxontohur tumanida yashovchi 61 yoshli F.A. ismli erkak o‘tkir nafas, surunkali jigar va buyrak hamda o‘pka-yurak yetishmovchiligidan;
• 14-iyul kuni Toshkent shahrining Olmazor tumanida yashovchi koronavirusga chalingan er-xotin 68 yoshli K.A va 67 yoshli S.A. o‘tkir nafas va yurak-qon tomir yetishmovchiligidan;
• 15-iyul kuni Toshkent shahrining Chilonzor tumanida 66 yoshli I.I. ismli erkak o‘tkir nafas, surunkali buyrak hamda o‘pka-yurak yetishmovchiligidan;
• 15-iyul kuni  Toshkent viloyati Piskent tumanida yashovchi 37 yoshli M.M. ismli erkak o‘pka arteriyasi tromboemboliyasi, o‘tkir nafas va o‘pka-yurak yetishmovchiligidan;
• 15-iyul  kuni Toshkent shahrida yashovchi 36 yoshli Sh.A. o‘tkir yurak-qon tomir va nafas yetishmovchiligidan vafot etgani xabar qilingan.