Соғлиқни сақлаш вазирлиги коронавирусга чалинган 48 ёшли ИИВ подполковнигининг вафот этганини расман тасдиқлади

Соғлиқни сақлаш вазирлиги коронавирусга чалинган 48 ёшли Ш.Н. исмли ИИВ подполковнигининг ҳам вафот этганини расман тасдиқлади.

Вазирлик матбуот хизматининг хабарига кўра, Тошкент туманида яшаган 48 ёшли Ш.Н. 2020 йил 24 июнда хизмат сафари билан Сурхондарё вилоятида бўлиб, тана ҳарорати кўтарилганлиги ва ҳолсизлик сабаб вилоят Ички ишлар бошқармаси тиббиёт бўлимига мурожаат қилган.

Унда COVID- 19 инфекцияси тасдиқлангач, вилоят шифохонасига ётқизилган. Беморда ўткир нафас етишмовчилиги кузатилган.

Унга COVID-19 инфекцияси ва икки томонлама пневмония оғир кечиши, ўткир нафас етишмовчилиги, юрак ишемик касаллиги, сурункали бронхит ташхиси қўйилган.

Шифохонада беморнинг даволаниши давомида шифокорлар томонидан консультациялар қилинган, даволаш жараёни мутахассислар тавсияси асосида олиб борилган.

Бироқ 2020 йилнинг 14 июль куни унинг аҳволи кескин оғирлашган. Реанимация бўлими шифокорларининг муолажаларига қарамасдан бемор ўткир юрак-қон томир ва нафас етишмовчилигидан вафот этган.

Июль ойининг ўзида ССВ берган расмий ахборотлар бўйича Ўзбекистонда жами 43 та ўлим ҳолати қайд этилган ва бу расман 44-ўлим. Шу тариқа ССВ ИИВ подполковниги ва Тошкент шаҳар ИИББ майори коронавирус оқибатида вафот этганини расман тасдиқлади. Ўзбекистонда эпидемия бошланганидан буён кузатилган ўлим ҳолатлари сони 71 тага етди.

• 1 июль куни Қашқадарёда 64 ёшли С.Ҳ. исмли эркак ўткир юрак-қон томир ва нафас етишмовчилигидан (у 29 июнь куни оламдан ўтган);
• 3 июль куни Тошкентда 59 ёшли Ғ.Б. исмли эркак ўткир юрак-қон томир ва ўпка етишмовчилигидан (у 2 июль куни оламдан ўтган);
• 3 июль куни Тошкентда саратон касаллигидан даволаниб келган 77 ёшли аёл ўткир юрак-қон томир ва ўпка етишмовчилигидан (у 2 июль куни оламдан ўтган);
• 4 июль куни Тошкентда 65 ёшли эркак В.М. ўпка артерияси тромбоэмболияси, ўткир нафас ва юрак етишмовчилигидан (у 3 июль куни вафот этган);
• 4 июль куни Бухорода 35 ёшли Д.Ш. ўткир нафас ва юрак етишмовчилигидан (у 3 июль куни вафот этган);
• 5 июль куни Тошкентда 71 ёшли М.Г. исмли аёл ўткир юрак-қон томир ва ўпка етишмовчилигидан;
• 5 июль куни Тошкентда 45 ёшли З. исмли эркак ўткир юрак-қон томир ва ўпка етишмовчилигидан;
• 5 июль куни Тошкентда 49 ёшли Н.У. исмли аёл икки томонлама пневмония, ўткир нафас ва юрак-қон томир етишмовчилигидан;
• 6 июль куни Тошкентда 67 ёшли Л.М. исмли эркак ўткир юрак-қон томир ва нафас етишмовчилигидан;
• 6 июль куни Тошкентда 43 ёшли А. исмли эркак ўткир нафас ва юрак-қон томир етишмовчилигидан;
• 6 июнь куни Тошкентда 86 ёшли З.Р. исмли аёл мия шиши, ўткир юрак-қон томир ва нафас етишмовчилигидан;
• 7 июль куни Самарқандда 61 ёшли О.Н. исмли аёл ўткир нафас ва юрак-қон томир етишмовчилигидан;
• 7 июль куни Тошкентда 79 ёшли Х.Б. исмли эркак ўткир юрак-қон томир ва нафас етишмовчилигидан;
• 7 июль куни Навоийда 38 ёшли Х.Ш. исмли эркак ўткир юрак-қон томир ва нафас етишмовчилиги, ўткир бош мия ва ўпка шишидан
• 8 июль куни Тошкентда 64 ёшли аёл ўткир нафас ва юрак-қон томир етишмовчилигидан
• 8 июль куни Тошкентда 64 ёшли Б.К.нинг ўткир юрак-қон томир ва нафас етишмовчилигидан; 
• 8 июль куни Қорақалпоғистонда 56 ёшли З.Д. исмли аёл ўткир юрак-қон томир ва нафас етишмовчилигидан;
• 8 июль куни Навоий шаҳрида яшовчи 52 ёшли Б.А. исмли эркакнинг ўткир юрак-қон томир ва нафас етишмовчилиги, ўткир бош мия ва ўпка шиши оқибатида;
• 8 июль куни Тошкент шаҳрида 72 ёшли Л.С. исмли аёл ўткир юрак-қон томир ва нафас етишмовчилигидан;
• 9 июль куни Бухорода 40 ёшли афғонистонлик М.Ҳ. исмли эркак ўткир юрак-қон томир ва нафас етишмовчилигидан;
• 9 июль куни Тошкентнинг Учтепа туманида яшовчи 83 ёшли Ш.Т. исмли аёл ўткир юрак-қон томир ва нафас етишмовчилигидан;
• 9 июль куни Тошкент шаҳри Шайхонтоҳур туманида яшовчи 51 ёшли Р.Н. исмли эркак ўткир юрак- қон томир ва нафас етишмовчилигидан;
• 9 июль куни Жиззах шаҳрида яшовчи 28 ёшли М.О. исмли аёл ўткир юрак-қон томир ва нафас етишмовчилигидан;
• 9 июль куни Бухоро вилоятида яшовчи 53 ёшли Н.С. исмли аёл ўткир нафас ва юрак-қон томир етишмовчилигидан;
• 9 июль куни Сурхондарё вилоятида яшовчи 35 ёшли С.С. исмли эркак ўткир юрак-қон томир ва нафас етишмовчилигидан;
• 10 июль куни Навоий вилояти Зарафшон шаҳрида яшовчи 55 ёшли Ж.Ў. исмли эркак ўткир юрак-қон томир ва нафас етишмовчилигидан
• 10 июль куни Сурхондарё вилояти Термиз шаҳрида яшовчи 67 ёшли Р.А. исмли эркак миокард инфаркти, ўткир юрак-қон томир ва нафас етишмовчилигидан;
• 10 июль куни Тошкент вилоятида пойтахтлик 69 ёшли В.М. исмли эркак миокард инфаркти, ўткир юрак-қон томир ва нафас етишмовчилигидан;
• 11 июль куни Тошкент шаҳрида 50 ёшли Р.Ю. исмли аёл ўткир юрак-қон томир ва нафас етишмовчилигидан;
• 11 июль куни Тошкент шаҳрида яшовчи 66 ёшли М.Р. исмли аёл ўткир нафас ва юрак-қон томир етишмовчилигидан вафот этгани тўғрисида хабар берилганди.
• 12 июль куни Тошкент шаҳрининг Олмазор туманида яшаган 53 ёшли М.К. исмли аёл ўткир нафас ва юрак-қон томир етишмовчилигидан;
• 12 июль куни Тошкент шаҳрининг Чилонзор туманида яшовчи 76 ёшли В.Т. исмли аёл ўткир нафас ва юрак-қон томир етишмовчилигидан;
• 12 июль куни Тошкент шаҳрининг Олмазор туманида яшовчи 65 ёшли М.Х. исмли аёл ўткир нафас ва юрак-қон томир етишмовчилигидан;
• 13 июль куни Тошкент шаҳрининг Шайхонтоҳур туманида яшовчи 67 ёшли М.Т. исмли аёл ўткир нафас ва юрак-қон томир етишмовчилигидан;
• 13 июль куни Тошкент шаҳрининг Учтепа туманида яшовчи 65 ёшли С.Қ. исмли аёл ўткир нафас ва юрак-қон томир етишмовчилигидан;
• 13 июль куни Тошкент шаҳрида яшовчи 60 ёшли Б.Э. исмли эркак ўткир нафас ва юрак-қон томир етишмовчилигидан;
• 14 июль куни Қашқадарё вилояти Қарши туманида яшовчи 56 ёшли Б.В. исмли эркак юрак-қон томир етишмовчилигидан;
• 14 июль куни Тошкент шаҳар Шайхонтоҳур туманида яшовчи 61 ёшли Ф.А. исмли эркак ўткир нафас, сурункали жигар ва буйрак ҳамда ўпка-юрак етишмовчилигидан;
• 14 июль куни Тошкент шаҳрининг Олмазор туманида яшовчи коронавирусга чалинган эр-хотин 68 ёшли К.А ва 67 ёшли С.А. ўткир нафас ва юрак-қон томир етишмовчилигидан;
• 15 июль куни Тошкент шаҳрининг Чилонзор туманида 66 ёшли И.И. исмли эркак ўткир нафас, сурункали буйрак ҳамда ўпка-юрак етишмовчилигидан;
• 15 июль куни  Тошкент вилояти Пискент туманида яшовчи 37 ёшли М.М. исмли эркак ўпка артерияси тромбоэмболияси, ўткир нафас ва ўпка-юрак етишмовчилигидан;
• 15 июль  куни Тошкент шаҳрида яшовчи 36 ёшли Ш.А. ўткир юрак-қон томир ва нафас етишмовчилигидан вафот этгани хабар қилинган.