AQSh prezidenti Barak Obama Xirosimadagi Amerikaning yadro bombardimoni qurbonlari xotirasiga bag‘ishlangan xotira majmuasiga tashrif buyuradi. Bu haqda, Amerika hukumatidagi manbaga tayanib, Yaponiyaning Nikkei nashri ma’lum qildi, deb yozadi “TASS”.
Obamaning Xirosimaga tashrifi Yaponiyada may oyining oxirida bo‘lib o‘tadigan “yettilik” mamlakatlari sammitidan keyin amalga oshirilishi ta’kidlanmoqda. Ushbu ma’lumot Yaponiya tomonidan ham, Amerika tomonidan ham rasman tasdiqlanmagan.
Joriy yilning aprelida Jon Kerri Xirosimadagi Tinchlik bog‘iga tashrif buyurgan birinchi AQSh davlat kotibi bo‘lgandi. Mazkur tarixiy tashrifni amalga oshirgan Jon Kerri u yerda ko‘rganlarini hech qachon unutmasligini ta’kidlab o‘tgan.
Izoh (0)