18-aprel, dushanba kuni Quddusdagi avtobus portlashini Iordan daryosining g‘arbiy qirg‘og‘ida, Vifleyem shahri yaqinida yashagan 19 yoshli falastinlik sodir etgan. Bu haqda Isroil politsiyasi rasmiy vakili Mikki Rozenfeld ma’lum qildi, deya xabar beradi “TASS”.
“Teraktni Vifleyem atrofidan bo‘lgan HAMASning 19 yoshli terrorchisi amalga oshirgan. U teraktni amalga oshirish chog‘ida olingan jarohatlar tufayli 20-aprel, chorshanba kuni kasalxonada olamdan o‘tgan”, — deya ta’kidlagan Rozenfeld. Falastinning HAMAS harakati o‘sha kunning o‘zida Quddusda avtobus portlashi uchun javobgarlikni zimmasiga oldi.
Eslatib o‘tamiz, oldinroq mazkur terakt oqibatida 21 kishi jabrlangani xabar qilingandi.
Izoh (0)