Meksika sharqidagi Verakrus shtatida Pemex kompaniyasining Pajaritos neft-kimyo majmuida 20-aprel, chorshanba kuni ro‘y bergan kuchli portlash va yong‘indan so‘ng kamida 18 kishi bedarak yo‘qoldi. Bu haqda fuqarolik mudofaasi kuchlari koordinatori Luis Felipe Puente ma’lum qildi, deya xabar beradi “TASS”.
Mazkur hodisa oqibatida 13 kishi halok bo‘lgani, 136 kishi jarohatlangani, ulardan 13 nafarining holati og‘ir ekanligi bildirilmoqda. Hozirda falokat ro‘y bergan hudud o‘rab olingan.
Korxonada sodir bo‘lgan favqulodda hodisa sabablari noma’lum bo‘lib turibdi. Rasmiylar avariya oqibatlarini bartaraf etish ishlari yakunlangandan so‘ng tekshiruvga kirishishi kutilmoqda.
Izoh (0)