АҚШ президенти Барак Обама Хиросимадаги Американинг ядро бомбардимони қурбонлари хотирасига бағишланган хотира мажмуасига ташриф буюради. Бу ҳақда, Америка ҳукуматидаги манбага таяниб, Япониянинг Nikkei нашри маълум қилди, деб ёзади «ТАСС».
Обаманинг Хиросимага ташрифи Японияда май ойининг охирида бўлиб ўтадиган «еттилик» мамлакатлари саммитидан кейин амалга оширилиши таъкидланмоқда. Ушбу маълумот Япония томонидан ҳам, Америка томонидан ҳам расман тасдиқланмаган.
Жорий йилнинг апрелида Жон Керри Хиросимадаги Тинчлик боғига ташриф буюрган биринчи АҚШ давлат котиби бўлганди. Мазкур тарихий ташрифни амалга оширган Жон Керри у ерда кўрганларини ҳеч қачон унутмаслигини таъкидлаб ўтган.
Изоҳ (0)