Suriya muxolifati BMTning Suriya bo‘yicha maxsus vakili Staffan de Mistura bilan muzokaralarga qisqartirilgan tarkibdagi delegatsiyani jo‘natdi. Bu haqda “Interfaks” xabar bermoqda.
Muxolifatning muzokaralar bo‘yicha oliy qo‘mitasi delegatsiyasi odatdagi 10—15 kishi o‘rniga uch kishidan iborat bo‘lgan va ular safida qo‘mita rahbarlaridan hech kim kuzatilmagan. Muxolifat tomonidan o‘tkazilishi rejalashtirilgan matbuot anjumani ham 19-aprel, seshanba kuniga qoldirilgan.
Qo‘mita vakili Riyod Hasan Og‘a oldinroq delegatsiya Aleppoda vaziyat keskinlashgani sababli Jenevani tark etish niyatida emasligi, biroq muzokaralar ma’lum muddat to‘xtatilishi mumkinligini ma’lum qilgandi.
Izoh (0)