Turkiyaning Kilis shahriga Suriya hududidan to‘rtta raketa o‘qi kelib tushishi natijasida bir kishi halok bo‘ldi va yana bir kishi jabrlandi, deya xabar bermoqda “RBK” Turkiyaning Dogan axborot agentligiga tayanib.
Ushbu ma’lumotni Reuters’ning Turkiya xavfsizlik sohasidagi manbalari tasdiqladi. Keyinroq Reuters manbalari Kilis shahriga beshinchi raketa kelib tushganini ma’lum qildi. Oqibatda yana bir kishi halok bo‘ldi, bir kishi yaralandi.
Associated Press turkiyalik mansabdor shaxslarga tayanib yozishicha, o‘q yog‘dirilishi natijasida jami to‘rt kishi, jumladan, uch nafar yosh bola halok bo‘ldi. Ularning barchasi suriyaliklar.
Izoh (0)