Yaponiya AQSHning eng ko‘p qimmatli qog‘ozlariga egalik qilish bo‘yicha so‘nggi bir necha yil ichida birinchi marta Xitoyni ortda qoldirdi. Bu haqda “Korrespondent.net” xabar bermoqda.
AQSH Moliya vazirligi ma’lumotlariga ko‘ra, 2008-yildan beri yetakchilik qilib kelgan Xitoy 2015-yil fevralida o‘z ko‘rsatkichlarini 1,2 foizga qisqartirgan. Natijada, aksiyalar portfelini 1,1 foizga qisqartirgan Yaponiya birinchi o‘ringa chiqib olgan.
Yaponiya hozirgi vaqtda 1 trillion 224 milliard 400 million dollarlik aksiyalar paketiga egalik qilayotgan bo‘lib, bu Xitoyning ko‘rsatkichidan taxminan 700 million dollarga ko‘p.
Rossiya esa 2015-yilning yanvar oyiga nisbatan o‘z ko‘rsatkichlarini 12,5 milliard dollarga kamaytirdi. Hozirgi vaqtda Rossiya AQSHning 69,6 milliard dollar miqdoridagi aksiyalariga egalik qilmoqda. Ushbu ko‘rsatkich bilan u AQSH qimmatli qog‘ozlari egalari ro‘yxatida 19-o‘rinda bormoqda.
Izoh (0)