Япония АҚШнинг энг кўп қимматли қоғозларига эгалик қилиш бўйича сўнгги бир неча йил ичида биринчи марта Хитойни ортда қолдирди. Бу ҳақда «Корреспондент.net» хабар бермоқда.
АҚШ Молия вазирлиги маълумотларига кўра, 2008 йилдан бери етакчилик қилиб келган Хитой 2015 йил февралида ўз кўрсаткичларини 1,2 фоизга қисқартирган. Натижада, акциялар портфелини 1,1 фоизга қисқартирган Япония биринчи ўринга чиқиб олган.
Япония ҳозирги вақтда 1 триллион 224 миллиард 400 миллион долларлик акциялар пакетига эгалик қилаётган бўлиб, бу Хитойнинг кўрсаткичидан тахминан 700 миллион долларга кўп.
Россия эса 2015 йилнинг январь ойига нисбатан ўз кўрсаткичларини 12,5 миллиард долларга камайтирди. Ҳозирги вақтда Россия АҚШнинг 69,6 миллиард доллар миқдоридаги акцияларига эгалик қилмоқда. Ушбу кўрсаткич билан у АҚШ қимматли қоғозлари эгалари рўйхатида 19-ўринда бормоқда.
Изоҳ (0)