2015-yil 20-yanvar kuni O‘zbekiston Milliy kutubxonasining majlislar zalida O‘zbekiston xalq artisti, bastakor va dirijyor Reyngold Moritsevich Glier tavalludining 140 yilligi munosabati bilan adabiy-musiqiy kecha va “Ijod” o‘quv zalida kitob-rasmli ko‘rgazma bo‘lib o‘tdi. Bu haqda kutubxona matbuot xizmati xabar berdi.
Tadbirda R.M.Glier nomidagi Respublika ixtisoslashtirilgan musiqa akademik litseyi, Shayxontohur tuman o‘quv-davolash kolleji o‘qituvchi va o‘quvchilari hamda shu tuman “Yangi shahar” mahallasi fuqarolari ishtirok etdi.
Milliy kutubxona bosh muharriri Shukur Qurbon yig‘ilganlarga R.M.Glierning hayoti va ijodi haqida qisqacha ma’lumot berdi.
Shu kuni “Ijod” o‘quv zalida R.M.Glier hayti va ijodiga bag‘ishlangan kitob-rasmli ko‘rgazma bo‘lib o‘tdi. Mazkur ko‘rgazmada foydalanuvchilar e’tiboriga R.M.Glier to‘g‘risida zamondoshlari tomonidan yozilgan xotiralar va u yaratgan asarlar notalari namoyish etilmoqda.
Izoh (0)