Toshkent shahar Sergeli tumanida yashovchi fuqaro A.Shomahmudov yashash xonasida elektr isitish pechini yoqiq holda qoldirib, uxlashi yong‘in sodir bo‘lishiga olib keldi. Bu haqda Ichki ishlar vazirligi matbuot xizmati xabar bermoqda.
Yong‘in natijasida 1 kv. metr maydonda o‘rin-ko‘rpasi yonib zararlangan. Yong‘in o‘chirish vaqtida uy egasining tutundan dimiqqan holdagi jasadi topilgan.
O‘tgan hafta mobaynida respublikamiz hududida 185 ta yong‘inlar sodir bo‘lganligi qayd etilgan.
Turli sabablarga ko‘ra sodir bo‘lgan yong‘inlarda 8 nafar fuqarolar tan jarohatlari olishgan va 1 nafar fuqaro halok bo‘lgan. Ushbu yong‘inlarda 1 milliard 95 million 659 ming so‘mdan ortiq qurilish materiallari va 713 million 892 ming so‘mga yaqin moddiy boyliklar yong‘indan saqlab qolingan.
Izoh (0)