O‘zbekiston Respublikasi Davlat soliq qo‘mitasining Hay’at yig‘ilishi bo‘lib o‘tdi, deya xabar bermoqda Davlat soliq qo‘mitasi axborot xizmati. Unda Qoraqalpog‘iston Respublikasi, viloyatlar va Toshkent shahar davlat soliq xizmati organlari hamda tizim tarkibiga kiruvchi ta’lim muasasasalari va markazlar rahbarlari ishtirok etdi.
Yig‘ilishda Davlat soliq xizmati organlarining o‘tgan yilgi faoliyatida yo‘l qo‘yilgan kamchiliklar va ularning bartaraf etilishi ahvoli, soliqlar yig‘iluvchanligini oshirish, soliq qarzi va ortiqcha to‘lovni qisqartirish borasidagi ishlarning natijadorligi yuzasidan Andijon, Namangan, Jizzax, Sirdaryo va Qashqadaryo viloyatlari davlat soliq boshqarmalari rahbarlarining hisobotlari eshitildi.
Muhokama natijalari bo‘yicha, markaziy apparat tuzilmalari va hududiy davlat soliq xizmati organlari rahbarlarining faoliyatida jiddiy kamchiliklarga yo‘l qo‘yganligi uchun 2 nafari egallab turgan lavozimidan ozod etildi va 31 nafariga tegishli intizomiy jazo choralari qo‘llanildi.
Yakunda davlat soliq xizmati organlari zimmasiga yuklatilgan dolzarb vazifalarni sifatli bajarish yuzasidan tegishli qarorlar qabul qilindi.
Izoh (0)