Toshkent—Vodiy A-373 avtomobil yo‘lining 91-kilometrida harakatlanib ketayotgan yuk tashuvchi mashina 11-mart kuni soat 18:40 da yonib ketdi. Bu haqda viloyat FVB matbuot xizmati xabar berdi.
Yong‘in o‘chirish ekipaji yong‘in joyiga soat 18:50 da yetib borib, soat 19:07 da to‘liq o‘chirilgan.
Hozirda yong‘inning kelib chiqish sababi va zarari aniqlanmoqda. Hodisa oqibatida tan jarohat olgan va halok bo‘lganlar yo‘q.
Bundan avvalgi holatlar
2024-yil 3-noyabr kuni ham Qamchiq dovonida yuk avtomobilida qisqa tutashuv sababli yong‘in yuzaga kelgandi. Shuningdek, Qamchiq dovonida 5-noyabr kuni soat 13:30 larda yuk mashinasi yonib ketgandi.
Dekabr oyi oxirida Qashqadaryo va Toshkentda mashinalar yonib ketgandi. Fevral oyining 2-sanasida Toshkentning Yangihayot tumanida mashina yonib ketgan.
Bundan tashqari, Jizzax viloyati Zomin tumanida yuk mashinasi yonib ketgandi.
Izoh (0)