Janubiy Koreyada ko‘prik qulab tushishi oqibatida kamida uch kishi halok bo‘ldi. Bu haqda Yonhap xabar berdi.
Favqulodda hodisa 25-fevral kuni ertalab mahalliy vaqt bilan 09:49 atrofida Seul — Sejong tezyurar avtomagistrali uchastkasida sodir bo‘lgan. Ishchilar kran yordamida ustunlar orasidagi po‘lat konstruksiyani ko‘chirayotgan edi. Ko‘prik ostida jami sakkiz nafar ishchi bo‘lgan, ulardan uch nafari halok bo‘lgan, besh nafari esa yaralangan.
Milliy yong‘in agentligi o‘t o‘chiruvchilarni baxtsiz hodisada bedarak yo‘qolgan odamlarni qidirishga safarbar qilish to‘g‘risida buyruq chiqargan.
Janubiy Koreya prezidenti vazifasini bajaruvchi Chxve San Mok qutqaruv ishlarini olib borish uchun mavjud barcha resurslar va xodimlarni jalb etish bo‘yicha shoshilinch ko‘rsatmalar bergan.
Izoh (0)