Ўзбекистонда Малайзия, Жанубий Корея ва Миср авиакомпанияларининг мунтазам парвозларига рухсат берилди. Бу ҳақда “Ўзавиация” агентлиги хабар бермоқда.
Ўзбекистон ва Малайзия ўртасида ҳаво қатнови тўғрисидаги ҳукуматлараро битимга асосан 2025 йил 3 февралда Air Asia X Berhad авиакомпаниясига Ўзбекистонга Куала-Лумпур—Тошкент—Куала-Лумпур йўналишида мунтазам авиақатновларини амалга ошириш рухсатномаси расмийлаштирди.
Шу куни Жанубий Кореянинг Т’wаy Аir авиакомпаниясига Ўзбекистон ва Корея Республикаси ўртасида ҳаво қатнови тўғрисидаги ҳукуматлараро битимга асосан Сеул—Тошкент—Сеул йўналишида мунтазам авиақатновларни амалга ошириш рухсатномаси расмийлаштириб берилди.
Ҳар икки авиакомпания парвозларни А330 самолётларида амалга оширади.
4 февралда Ўзбекистон ва Миср ўртасида ҳаво қатнови тўғрисидаги ҳукуматлараро битимга асосан Red Sea Airlines авиакомпаниясига Шарм-аш-Шайх—Тошкент—Шарм-аш-Шайх йўналишида мунтазам авиақатновларини амалга ошириш рухсатномаси расмийлаштирилди.
Парвозлар В737 самолётларида амалга оширилади.
Изоҳ (0)