Fly Dubai авиакомпаниясига Дубай—Наманган—Дубай йўналишида мунтазам авиақатновларни амалга ошириш учун рухсатнома берилди. Бу ҳақда Наманган шаҳар ҳокимлиги хабар қилди.
Қайд этилишича, Ўзбекистон Республикаси ва Бирлашган Араб Амирликлари ҳукуматлари ўртасида ҳаво қатнови тўғрисидаги Битим асосида 2022 йил 30 августда «Ўзавиация» агентлиги томонидан Fly Dubai авиакомпаниясининг Ўзбекистонга мунтазам авиақатновларни амалга ошириш ҳуқуқини берувчи эксплуатацион рухсатномасига янги Дубай—Наманган—Дубай йўналиши киритилган.
Бу авиакомпания томонидан мунтазам парвозларни амалга ошириш учун рухсат олган Ўзбекистон Республикасидаги учинчи аэропорт ҳисобланади. Ҳозирги кунда авиакомпания Тошкент ва Самарқанд аэропортларига авиақатновларни амалга оширмоқда.
Fly Dubai авиакомпанияси Ўзбекистонга авиақатновларни Boeing-737 самолётларида амалга оширади.
Изоҳ (0)