Wizz Air Abu Dhabi авиакомпаниясига Абу Даби—Тошкент —Абу Даби йўналишида мунтазам авиақатновларни амалга ошириш учун рухсатнома берилди.
«Ўзавиация» агентлиги матбуот хизматининг хабар беришича, Ўзбекистон ҳукумати ва Бирлашган Араб Амирликлари ҳукумати ўртасида ҳаво қатнови тўғрисидаги битим асосида 30 августда ушбу авиакомпанияга Абу Даби—Тошкент —Абу Даби йўналишида мунтазам авиақатновларни амалга ошириш ҳуқуқини берувчи эксплуатацион рухсатномаси берилди.
Авиакомпания мунтазам авиақатновларни Airbus 321 самолётларида амалга оширишни режалаштирмоқда.
Эслатиб ўтамиз, Ўзбекистон Wizz Air лоукастерини 2019 йилдан буён чорлаб келмоқда. 2021 йил сентябрь ойида авиакомпания Будапештдан Тошкент, Бухоро ва Самарқандга парвозларни йўлга қўйишдан манфаатдор экани хабар қилинган эди.
Wizz Air Abu Dhabi — арзон нархларда хизмат кўрсатувчи авиакомпания бўлиб, Абу-Даби (БАА) Халқаро аэропортида жойлашган. Авиакомпания 51 фоиз акцияларга эгалик қилаётган АДҚ (аввалги Abu Dhabi Developmental Holding Company, ADDH) давлат компанияси ва қолган 49 фоиз эгаси ҳисобланган Wizz Air Holdings қўшма корхонаси ҳисобланади.
Изоҳ (0)