“Ўзавиация” агентлиги Туркиянинг AJet авиакомпаниясига Ўзбекистонга мунтазам парвозларни амалга оширишга рухсатнома берилганини эълон қилди.
Рухсатнома Ўзбекистон ва Туркия ўртасида ҳаво қатнови тўғрисидаги ҳукуматлараро битим асосида 21 февраль куни берилди.
Авиакомпания B737-800 самолётларида Анқара—Тошкент—Анқара йўналиши бўйича рейсларни амалга оширади.
AJet (собиқ AnadoluJet) — бош қароргоҳи Анқарада жойлашган Turkish Airlines лойиҳаси бўлган авиакомпания. 2023 йилнинг апрелида Анқарадан Тошкентга қатновларни амалга оширган.
2023 йил февраль ойида Turkish Airlines AnadoluJet’ни АJet ҳаво транспорти акциядорлик компанияси номи остида мустақил авиакомпанияга айлантирган.
Изоҳ (0)