Ўзбекистон Суперлигасининг 13-туридан ўрин олган баҳсда Наманганнинг “Навбаҳор” жамоаси ўз майдонида “ОКМК”ни қабул қилди.
Жорий мавсумда ҳар икки жамоа яхши натижалар қайд этаётгани, турнир жадвалида ҳам деярли қўшни бўлгани боис мазкур ўйин ушбу турнинг марказий беллашуви мақомида эди. Шунинг учун мазкур учрашувга эътибор мутахассис ва мухлислар томонидан юқори бўлди.
Илк дақиқалардан ташаббусни ўз қўлига олишга интилган мезбонлар тезкор гол урди. Алишер Одиловнинг чап қанотдан рақиб жарима майдончаси ичига оширган тўпини Забиҳилло Ўринбоев дарвозага жойлаб, ҳисобни очди – 1:0.
Беллашувнинг 35-дақиқасида “лочинлар” стандарт вазиятдан сўнг ҳисобдаги фарқни оширди. Бразилиялик ҳимоячи Гильерме Гедеш вазиятдан унумли фойдаланиб, “Навбаҳор” танаффусга 2:0 ҳисобидаги устунлик билан чиқиб кетишини таъминлади.
Учрашувнинг асосий вақтига ҳакам томонидан қўшиб берилган дақиқалар давом этаётган пайтда захирадан майдонга туширилган бразилиялик ҳужумчи Аугусто Педро гол уриб, якуний ҳисобнинг йирик – 3:0 кўриниш олишини таъминлади.
“Навбаҳор” ушбу ғалабадан сўнг очколари сони 23 тага етказиб, турнир жадвалида 5-ўринни эгаллаб олди.
“Дарё” “Навбаҳор” ва “ОКМК” ўртасидаги ўйиндан фотогалерея тайёрлади.
Фотолар муаллифи Оқилхон Мамажонов.
Изоҳ (0)