Ўзбекистон Суперлигаси 2-тури доирасидаги “Сўғдиёна” — “Навбаҳор” учрашуви 16 март, якшанба куни бўлиб ўтди. Унда наманганликлар қийин ғалабани қўлга киритди.
Учрашувда тезкор гол киритилди. 2-дақиқада Пўлатхўжа Холдорхонов Муҳаммадюсуф Собиров қўриқлаётган дарвозани ишғол қилди. 14-дақиқада Люпчо Дориев “Навбаҳор” дарвозасига гол уриб, мувозанатни тиклади — 1:1.
Иккинчи таймнинг 66-дақиқасида Руслан Жиянов яна Наманган клубини ҳисобда олдинга олиб чиқди. 76-дақиқада эса Дориев ўзининг дублини расмийлаштирди. Учрашув якуни арафасида “Навбаҳор”нинг бразилялик легионери Педро наманганликларга ғалаба тақдим этган гол муаллифига айланди.
Учрашув 3:2 ҳисобида якунланди ва Сергей Лушчан жамоаси мавсумдаги илк ғалабасини қўлга киритди.
Қўлга киритилган ғалабадан кейин “Навбаҳор” ҳисобидаги очколар сони 4 тага етди, жаззахликлар эса мавсумдаги иккинчи баҳсда ҳам имкониятни бой берди.
Суперлига
2-тур
16 март, якшанба
“Сўғдиёна” — “Навбаҳор” 2:3
Голлар: 0:1 — Пўлатхўжа Холдорхонов (2), 1:1 — Люпчо Дориев (14), 1:2 — Руслан Жиянов (66), 2:2 — Люпчо Дориев (76), 2:3 — Педро (90).
“Сўғдиёна”: Муҳаммадюсуф Собиров, Зоир Жўрабоев, Суҳроб Иззатов, Отабек Аҳадов, Хондамир Мустафоқулов, Ислом Қобилов, Эҳсоне Паншанбе (Стансиласв Андреев, 77), Жавоҳир Қаҳрамонов, Нодир Сойибов, Самандар Мавлонқулов (Лука Дордевич, 88), Люпчо Дориев.
“Навбаҳор”: Шукрон Йўлдошев, Сергей Карпович, Гилерме Гедеш, Мирзоҳид Ғофуров (Жавоҳир Абдужабборов, 46), Игор Габриел, Шоҳмалик Комилов, Бенжамин Тейди, Аббос Ғуломов (Руслан Жиянов, 64), Азим Аҳмедов (Саидазамат Мирсаидов, 46), Шаҳзод Убайдуллаев (Алишер Одилов, 64), Пўлатхўжа Холдорхонов (Педро Аугусто, 81).
Изоҳ (0)