Суперлига. “Навбаҳор” сўнгги дақиқалардаги гол эвазига “Нефтчи”ни мағлуб этди, “ОКМК” 8 та гол урилган ўйинда “Сўғдиёна”дан устун келди 

Футбол бўйича Ўзбекистон Суперлигасининг 8-туридан ўрин олган икки ўйин 19 май, якшанба куни бўлиб ўтди.

Водий дербисида “Навбаҳор” ва “Нефтчи” ўзаро баҳс олиб борди. Учрашувнинг сўнгги дақиқаларида наманганликлар футболчиси Иванович боши билан дарвозани ишғол қилиб, жамоасига ғалаба келтирди.

“ОКМК” ўз майдонида “Сўғдиёна”ни қабул қилди. Учрашувнинг 10-дақиқасида Сардор Қулматов автогол муаллифига айланди. 15-дақиқада Хуршид Ғиёсов ҳисобни ишончли кўринишга олиб келди. 21-дақиқада “Сўғдиёна” футболчиси Люпчо Дориев ҳисобни қисқартирди. Бўлим охирида Зоран Петрович мувозанатни тиклади.

Иккинчи бўлимда ҳам жамоалар яна голлар шоусини намойиш этди. 72-дақиқада Люпчо Дориев пенальтидан унумлий фойдаланиб, жиззахликларни ҳисобда олдинга олиб чиқди. Орадан 3 дақиқа ўтиб, Али Абдураҳмонов ҳисобни тенглаштирди. Сўнгги дақиқаларда эса Абдураҳмонов дубль қайд этди, Иракли Руҳадзе ҳам гол уриб, жамоасининг 5:3 ҳисобидаги ғалабасини таъминлади.

Бугунги учрашувлардан сўнг турнир жадвали қуйидагича кўриниш олди:

Суперлига

8-тур

19 май, якшанба

“Навбаҳор” – “Нефтчи” 1:0

Гол: Филип Иванович, 90+3 (1:0).

“ОКМК” – “Сўғдиёна” 5:3

Голлар: Сардор Қулматов, 10 автогол  (1:0), Хуршид Ғиёсов, 15 (2:0), Люпчо Дориев, 21 (2:1), Зоран Петрович, 41 (2:2), Люпчо Дориев, 72 пен (2:3), Али Абдураҳмонов, 75 (3:3), Али Абдураҳмонов, 84 (4:3), Иракли Руҳадзе, 90+10 (5:3).