Ўзбекистон Суперлигаси 11-тури доирасидаги “Навбаҳор” — “Қўқон-1912” жамоалари ўртасидаги баҳс якунланди. Қизиқарли ва кескин кураш остида ўтган беллашувда наманганликлар йирик ҳисобда ғалаба қозонди — 3:0.
Учрашувдаги ҳисоб 21-дақиқада Игор Габриэль томонидан очилган бўлса, орадан икки дақиқа ўтиб Аббос Ғуломов таблодаги натижани 2:0 кўринишига келтириб қўйди. Биринчи бўлим мазкур натижа билан якунланди.
Иккинчи тайм ҳам “Навбаҳор”нинг устунлиги остида бошланди. 47-дақиқада Русланбек Жиянов гол уриб, ҳисобни йирик кўринишга келтириб қўйди.
68-дақиқада “Қўқон-1912” ҳисобни қисқартириши мумкин эди, бироқ Жасур Холтўраев 11 метрлик жарима зарбасидан фойдалана олмади.
Мазкур натижа учрашув охирига қадар ўзгармади ва “Навбаҳор” 11-турда ўз ҳисобига навбатдаги ғалабани ёздириб қўйди. 20 очко тўплаган Наманган клуби онлайн турнир жадвалида 3-ўринни эгаллаб турибди. “Қўқон-1912” эса 12 очко билан 11-ўринни банд этган.
Ўзбекистон Суперлигаси
11-тур
25 май, якшанба
“Навбаҳор” — “Қўқон-1912” 3:0
Голлар: 1:0 — Игор Габриэль (21), 2:0 — Аббос Ғуломов (23), 3:0 — Русланбек Жиянов (47).
Изоҳ (0)