“Манчестер Сити” “Русенборг” клуби футболчиси Сверре Ньюпан билан шартнома имзолашга яқин турибди. The Athletic нашрининг маълумотларига кўра, “шаҳарликлар” футболчи билан шартнома шартлари бўйича музокара олиб бормоқда.
Манбага кўра, агар келишув амалга ошса, бу Норвегия чемпионатидаги энг қиммат трансфер бўлади. Келишувдан сўнг, Ньюпан бир мавсум давомида “Русенборг”да ижара асосида ўйнаши мумкин.
18 ёшли Ньюпан “Русенборг”нинг асосий жамоасида 70 ўйин ўтказиб, 14 та гол урган. У ўтган мавсум давомида 10 та ўйинда майдонга тушиб, ўз ҳисобидаг 1 гол ёздириб қўйган. Унинг ҳозирги қиймати 12 миллион еврога тенг.
Агар Ньюпан “Манчестер Сити”га ўтса, клубдаги иккинчи норвегиялик ҳужумчи ва учинчи норвегиялик футболчи бўлади. 2022 йилда “шаҳарликлар” сафига Эрлинг Ҳоланд қўшилган эди. Шунингдек, жамоада Норвегия терма жамоаси аъзоси ва клуб академия тарбияланувчиси Оскар Бобб ҳам бор.
Изоҳ (0)