1994 йилда АҚШ ва Россия президентлари Билл Клинтон ва Борис Ельцин Россия Федерациясининг НАТОга қўшилиши масаласини жиддий муҳокама қилишган. Бироқ бунга Европа давлатлари, хусусан Германия қарши чиққан. Махфий ҳужжатларни немис нашри Der Spiegel эълон қилди.
Журнал бир нечта махфий, жумладан Германия Федератив Республикаси канцлери Ҳелмут Колнинг Клинтонга мактуби, Россия ва АҚШдаги немис дипломатларининг ҳисоботлари, шунингдек Германия ташқи ишлар вазири Клаус Кинкелнинг хизмат ҳужжатларини таҳлил қилган.
Германия ва Европа давлатлари Клинтоннинг Россияни НАТОга қўшиш ғоясига “Россия беқарорлигидан ҳимояни” йўқотишдан қўрқиб ва “демократик ва хавфсиз” Москвага иттифоқда ўрин йўқ деб ҳисоблаб қарши чиқишган.
Бу ғояни амалга оширишнинг иложсизлигининг яна бир сабаби Россия Федерациясини Хитой ва Мўғулистон билан чегарада ҳимоя қилиш зарурати деб кўрсатилган. Ўша пайтдаги ГФР мудофаа вазири Фолкер Рюе Россиянинг альянсга қўшилиши мумкинлигини “унинг тугашининг белгиси” деб ҳисоблаган.
Бундан аввал Россия НАТО чегарасидан 25 километр узоқликда улкан объект қураётгани маълум қилинганди.
Изоҳ (0)