“Манчестер Сити” бош мураббийи Хосеп Гвардиола жамоанинг 2024/25 йилги мавсумдаги натижаларига баҳо берди.
Мавсум мураккаб бўлди, оғир йилни бошдан кечирдик. Чемпионлар Лигасида кўплаб муаммоларга дуч келдик, ўйинларимизда барқарорлик етишмади. Аммо биз муҳим мақсадга эришдик — Чемпионлар Лигасига йўлланмани қўлга киритдик. Англияда бу айрим совринлардан ҳам қадрлироқ. Ҳозирги пайтда турнирга йўлланма олиш учун 7–9 та жамоа курашмоқда, шунинг учун бу вазифа янада оғирлашди. Мавсумни яхши нотада якунладик, энди эса олдимизда Клублар ўртасидаги жаҳон чемпионати турибди. Унда имкон қадар узоққа боришга ҳаракат қиламиз, деди Гвардиола Sport.es нашрига берган интервьюсида.
Эслатиб ўтамиз, ўтган мавсумда “Манчестер Сити” ҳеч қандай совринни ютолмади. Улар Англия Премьер Лигасини учинчи ўринни эгаллаган бўлса, Чемпионлар Лигасида “Реал”га мағлуб бўлиб, турнир билан хайрлашди. Лига кубоги финалида эса “Кристал Пэлас”га имкониятни бой берди.
Изоҳ (0)