Мадриднинг “Реал” клуби “Интер” ярим ҳимоячиси Николо Бареллани ўз сафига қўшиб олишни режалаштирмоқда. Todofichajes нашрининг ёзишича, “қаймоқранглилар” президенти Флорентино Перес италиялик футболчини жамоасига олиб келишни истамоқда.
Манбага кўра, “Реал” 28 ёшли Бареллани жамоани тарк этган Лука Модрич ўрнига асосий номзод сифатида кўрмоқда.
“Интер” раҳбарияти уни қўйиб юборишга тайёр, бироқ футболчини 80–100 миллион евро атрофидаги суммага трансфер қилишни мақсад қилган. Чунки улар Бареллага “Манчестер Сити” ва “Ливерпуль” клублари ҳам қизиқиш билдираётганидан хабардор, шу боис бу трансфердан яхши даромад олишни режалаштирган. Бироқ “Реал” бу нархга рози эмас – мадридликлар иложи борича Бареллани арзонроқ нархда қўлга киритишни хоҳламоқда.
Маълумот учун, Николо Барелла ўтган А Серия мавсумида 33 ўйинда майдонга тушиб, 3 та гол ва 6 та голли узатма берган. Унинг “Интер” билан шартномаси 2029 йил июнигача амал қилади. Transfermarkt портали футболчининг қийматини 80 миллион еврога баҳолаган.
Изоҳ (0)