Samsung компанияси ўзининг учга букланадиган инновацион смартфони Galaxy З Fold 7 ва ниҳоятда ингичка бўлган З Флип 7 гаджетларини 9 июль куни бўлиб ўтадиган Galaxy Unpacked тадбирида тақдим этади. Бошқа моделлардан фарқли ўлароқ, қурилмалар ёзда эмас, балки фақат октябрь ойида сотувга чиқарилади.
Икки қисмидан букланадиган, шартли равишда Galaxy G Fold деб аталаётган смартфон ҳақида миш-мишлар анчадан бери тарқалган бўлса-да, у ҳақидаги расмий маълумотлар ҳанузгача жуда кам. Қурилма атиги 25 ватт қувватда заряд олишни қўллаб-қувватлайди. Бу кўрсаткич Huawei Маtе ХТ (66 ватт) билан солиштирганда ҳам, Samsungʼнинг ўрта тоифадаги айрим моделлари билан таққослаганда ҳам анча паст ҳисобланади.
Digital Chat Station инсайдерининг хабар беришича, қурилманинг экрани тўлиқ очилган ҳолатда 9,96 дюймни ташкил қилади, бу хитойлик аналогнинг 10,2 дюймли дисплейидан бир оз кичикроқ. Шунингдек, ички томонга икки йўналишда букланадиган конструкция мавжуд бўлиб, у ёпиқ ҳолатда экран матрицасини қўшимча ҳимоя қилади.
Қурилманинг тузилишига қараганда, у S Pen стилусини қўллаб-қувватлаши мумкин. (Стилус — бу телефон ёки планшет экранида ёзиш, чизиш ва файлларни бошқариш учун мўлжалланган махсус электрон ручка). Баъзи патентларда стилус учун алоҳида жой ажратилгани кўрсатилган. Бу эса қурилмани телефон ва планшет функцияларини бирлаштирган кўп функцияли гаджетга айлантиради.
Samsung одатда ўзининг букланадиган қурилмаларини бутун дунё бозорига тақдим этади, аммо бу сафар Galaxy G Fold дастлаб фақат Хитой ва Жанубий Кореяда сотувга чиқарилиши мумкинлиги айтилмоқда. Мутахассислар қурилманинг нархи 3000–3500 АҚШ доллари атрофида бўлишини тахмин қилмоқда.
Айни пайтда Samsung Galaxy Z Fold 7 моделини фаол тарзда реклама қила бошлаган. Forbes нашрининг ёзишича, компания фойдаланувчиларга YouTube блогери Паркер Бертоннинг фикрларини ўз ичига олган хат юборган. Ушбу блогер аллақачон қурилмани синовдан ўтказган ва унга қуйидагича таъриф берган:
“Мазкур смартфон ниҳоятда юпқа. Уни буклаганингизда қўлда худди оддий телефон каби туюлади”, деди у.
Изоҳ (0)